Concurso Primavera

Hoxe comezamos o mes presentando un novo concurso de pequenas cuestións matemáticas.

O deseño é similar ao concurso do Calendario de Advento que celebramos no nadal pasado.

Neste caso o concurso está limitado ao alumnado dos cursos 1º e 2º de ESO e 1º de FPB, e as preguntas serán as do mes de marzo do calendario matemático da SEMCV, que tendes na aula virtual e no taboleiro físico da vosa clase.

Aínda que tendes todas as preguntas desde o principio, só poderedes enviar as vosas respostas (a través da aula virtual) nos días indicados. 

Botade un ollo ás bases do concurso e animádevos a participar. Non vos asustedes antes de tempo, non sempre é preciso atinar con todas as respostas para gañar.

Non nos despedimos sen lembrarvos que aínda podedes participar no Concurso de Microrrelatos e que o resto de alumnado pronto teredes o voso propio Concurso de Primavera. Estade atentos/as.

Ánimo e sorte a todas/os.