17 de febrero de 2025

Feira matemática de Agapema

Boas. 

Hoxe queremos presentarvos dúas actividades de Agapema (Asociación Galega de Profesorado de Matemáticas).

MATEMÁTICAS NA RÚA.

Unha pequena festa de matemáticas na que tocar as matemáticas, manipular e xogar. Altamente recomendable. Este ano celébrase na Praza Maior de Lugo, o domingo 16 de marzo entre as 11 e as 14 horas. 

FEIRA MATEMÁTICA.

Toda unha feira chea de matemáticas. Celébrase, como cada ano, no Pa
villón PALEXCO da Coruña. Este ano o sábado 22 de marzo, entre as 11 e as 20 horas (cun pequeno descanso ao mediodía). 

Poderedes desfrutar dunha chea de stands capitaneados por alumnado de diversos centros de Galicia, asociacións, universidades etc. 

Ao remate farase a entrega de premios dos concursos que convocan cada ano.

   Concurso de matmonólogos.

   Concurso de esopías.

   Concurso de fotografía.

Anímadevos a participar en calquera deles. Ademais dos premios do xurado, podedes gañar o premio de votación popular.

Non perdades tampouco a oportunidade de visitar calquera das dúas actividades, non vos ides arrepentir.

 



17 de diciembre de 2024

Calendario de Advento 2024. Día 18

No filme Figuras Ocultas nárranse as vivencias dun grupo de mulleres negras que foi fundamental para o primeiro voo orbital arredor da Terra dun estadounidense.

15 de diciembre de 2024

Calendario de Advento 2024. Día 16.

A semana pasada acababamos as cuestións do reto da man de Eddie Redmayne, o actor que interpreta a Stephen Hawking na Teoría do Todo.